Շաբաթ եւ Կիրակի, 27-28 Սեպտեմբեր 2025-ին, Առաջնորդարանի յարկին ներքոյ ի Քէօլն, տեղի ունեցաւ Գերմանիոյ Հայոց Թեմի հերթական Թեմական-Պատգամաւորական Ժողովը (ԹՊԺ)` նախագահութեամբ Գերմանիոյ Հայոց Թեմի բարեջան առաջնորդ Գերշ. Տ. Սերովբէ Եպս․ Իսախանեանի, ատենապետութեամբ Փրոֆ. Տոքթ. Խաչիկ Կազէրի եւ ատենադպրութեամբ Տոքթ․ Մարգարիտ Ասոյեան-Լինքի: Ժողովին ներկայ էին Թեմի հոգեւորականաց դասը, թեմական 16 համայնքներու վարչութեանց ատենապետներ, ընտրեալ պատգամաւորներ՝ շուրջ 55 անձեր, որոնցմէ 45-ը քուէի իրաւունքով։

ԹՊԺ-ի նիստերը սկսելէ առաջ, Թեմակալ առաջնորդ Սերովբէ սրբազան ներկաներուն յիշեցուց, որ 27 Սեպտեմբերը Ազէրբայճանի կողմէ Արցախ/Լեռնային Ղարաբաղի Հանրապետութեան դէմ սանձազերծուած 44-օրեայ պատերազմի 5-րդ տարելիցն է եւ հոգեհանգստեան աղօթք բարձրացուց առ Աստուած հայոց նահատակներու հոգիներու խաղաղութեան համար։ Սերովբէ սրբազան աղօթեց նաեւ անցեալ նոյեմբերին վախճանուած Թեմիս նախկին առաջնորդ, երջանկայիշատակ Տ․ Գարեգին արքեպս․ Պեքճեանի, ինչպէս նաեւ Քէօլնի Հայ Համայնքի երկար տարիներու ատենապետուհի տիկին Մինու Նիքբայի հոգիներու խաղաղութեան համար։

ԹՊԺ-ի երկօրեայ նիստերու օրակարգին վրայ էին թեմական գործունէութեան տեղեկագրութիւնը եւ նիւթական հաշուետւութիւնը, թեմական եւ համայնքային զանազան հարցեր, թեմական աշխատանքային խումբերու գործունէութիւն եւ այլն։

Թեմական հարցեր․

Առաջնորդ Սերովբէ սրբազան PowerPoint-ի միջոցով մանրամասն ներկայացրեց Թեմի 2024 գործունէութեան տեղեկագրութիւնը։ Իսկ Թեմական Խորհուրդի գանձապահ պարոն Արթին Սիմոնեան ներկայացուց Թեմի 2024-ի նիւթական մանրամասն հաշուետւութիւնը` նոյնպէս PowerPoint-ի միջոցով։ Սերովբէ սրբազան եւ Արթին Սիմոնեան պատասխանեցին նաեւ ներկաներուն հարցերուն։

Այնուհետեւ Թեմական Խորհուրդը ներկայացուց առաջարկ՝ 1 Յունուար 2026-էն սկսեալ կատարել թեմական անդամավճարին նուազագոյն չափի յաւելում։ Երկար եւ մանրազնին քննարկումներու արդիւնքով որոշուեցաւ՝ 1 Յունուար 2026-էն նոր անդամագրուողներուն համար սահմանել հետեւեալ անդամավճարները․ ամսական 15 եւրօ՝ աշխատողներուն համար եւ ամսական 8 եւրօ՝ չաշխատողներուն համար։ Նոյն թուականէն սկսեալ նոր անդամներու վճարած անդամավճարներուն 25 %-ը պիտի փոխանցուի տուեալ անդամին համար իրաւասու համայնքին։

Համայնքային հարցեր․

Ապա PowerPoint-ի միջոցով ներկայացուեցան բոլոր համայնքներու նիւթական հաշուետւութիւնները, իսկ հոգեւոր հովիւներն ու համայնքային ներկայացուցիչներ կարճ տեղեկութիւններ փոխանցեցին իւրաքանչիւր համայնքի 2024-ի գործունէութեան վերաբերեալ։ Անդրադարձ կատարուեցաւ նաեւ Քէօլնի առաջնորդանիստ «Սբ․ Սահակ-Սբ․ Մեսրոպ» եւ Կէօփինկէնի «Սուրբ Խաչ» եկեղեցիներու հիմնանորգութիւններու ընթացքին։

Եկեղեցական-Ներկայացուցչական Ժողովի պատգամաւորներու ընտրութիւն

ԹՊԺ-ի օրակարգը կը ներառէր նաեւ գալ տարի Սուրբ Էջմիածնի մէջ գումարուելիք Եկեղեցական-Ներկայացուցչական Ժողովին (ԵՆԺ) համար Գերմանիոյ Հայոց Թեմի երկու պատգամաւորներու ընտրութեան հարցը, որոնք Թեմակալ առաջնորդին հետ միասին պիտի ներկայացնեն մեր Թեմը։ Առաջարկուած վեց թեկնածուներու մէջէն փակ/գաղտնի քուէարկութեամբ ԵՆԺ-ի պատգամաւորներ ընտրուեցան․

Տ․ Տիրատուր քահանայ Սարդարեան (պատգամաւոր)
Փրոֆ․ Տոքթ․ Խաչիկ Կազէր (պատգամաւոր)
Փրոֆ․ Տոքթ․Արմենուհի Դրոստ-Աբգարեան (անձնափոխանորդ)։

Թեմակալ Առաջնորդի հաստատում

Գերմանիոյ Հայոց Թեմի թեմական կանոնադրութիւնը (գլուխ 9 ) կը նախատեսէ,որպէսզի Թեմական-Պատգամաւորական Ժողովը եօթ տարին անգամ մը կատարէ Թեմակալ առաջնորդի հաստատում՝ պաշտօնավարման յաջորդող եօթ տարիներու համար։ Տրուած ըլլալով, որ Գերաշնորհ Սերովբե եպիսկոպոս Իսախանեանի առաջնորդական պաշտօնավարութեան եօթ տարիներու պաշտօնաշրջանը հասած էր իր աւարտին, ըստ կանոնադրութեան նախատեսումներու ԹՊԺ-ի օրակարգը կը ներառէր նաեւ Գերմանիոյ Հայոց Թեմի Թեմակալ առաջնորդի առաջնորդական պաշտօնավարութեան հաստատումը՝ յաջորդող եօթ տարիներու պաշտօնաշրջանի համար։ Տեղի ունեցաւ փակ/գաղտնի քուէարկութիւն, որուն արդիւնքներով (կողմ՝ 33, դէմ՝ 6, ձեռնպահ՝ 2)

Գերաշնորհ Տ․ Սերովբէ եպիսկոպոս Իսախանեան վերահաստատուեցաւ առաջնորդական իր պաշտօնին մէջ՝ յաջորդող եօթը տարիներու համար։ Ընտրութեան արդիւնքները փոխանցուեցան Մայր Աթոռ Սբ․ Էջմիածին՝ Վեհափառ Հայրապետի վաւերացման։

*

Կիրակի, 28 Սեպտեմբեր 2025-ի առաւօտեան, Առաջնորդ Սրբազան հօր գլխաւորութեամբ հոգեւորական ու աշխարհական նախ խմբուեցան առաջնորդանիստ «Սբ․ Սահակ-Սբ․ Մեսրոպ» եկեղեցւոյ մէջ, ուր տեղի ունեցաւ Արեւագալի հոգեպարար ժամերգութիւն, որուն աւարտին արժանապատիւ Տ․ Տիրատուր քահանայ Սարդարեան կարճ հոգեւոր ուղերձ ուղղեց ներկաներուն։

Աշխատանքային խումբերու գործունէութիւն․

Ապա ԹՊԺ-ը շարունակեց իր աշխատանքները։ Կիրակի օրուան երկու նիստերն ալ նուիրուեցան Թեմական Աշխատանքային խումբերուն (1. Հաւատք եւ Էքումենիզմ, 2. Տիաքօնիա, 3. Կրթութիւն, 4. Արուեստ եւ Մշակոյթ, 5. Կառավարչութիւն, 6. Ֆինանսական)։ Իւրաքանչիւր աշխատանքային խումբին համար ներկայացուեցաւ եւ հաստատուեցաւ գործելակարգը, որուն համաձայն իւրաքանչիւր խումբ պիտի ունենայ 3 կամ 4 անդամ։ Ճշտուեցան անդամները, եւ խումբերու մէջ տեղի ունեցան քննարկումներ, որոնք պիտի շարունակուին նաեւ հեռավար կերպով։ Մինչեւ 2026-ի Յունուար ամսուան վերջը վերջնարդիւնքները պիտի ներկայացուին Թեմական Խորհուրդին՝ ի տնօրինութիւն։

2025-ի հերթական ԹՊԺ-ն եզրափակուեցաւ Դիւանի ատենապետ Տոքթ․ Խաչիկ Կազէրի փակման խօսքով, որուն մէջ ան շնորհակալութիւն յայտնեց բոլոր պատգամաւորներուն՝ իրենց ներկայութեան եւ համագործակցութեան համար, յաջողութիւն մաղթեց աշխատանքային խումբերուն, ապա խօսքը փոխանցեց Թեմակալ առաջնորդ Գերշ․ Տ․ Սերովբէ Եպիսկոպոս Իսախանեանին։ Առաջնորդ Սրբազան հօր օրհնութեան խօսքով եւ «Պահպանիչ» աղօթքով իր աւարտին հասաւ Թեմական-Պատգամաւորական Ժողովը։

Դիւան Առաջնորդարանի

_
Fotos: Edmond Haghnazarian & Kanzlei der Diözese

Am Samstag und Sonntag, den 27.–28. September 2025, fand unter dem Dach der Diözesanleitung in Köln die ordentliche Diözesan-Delegiertenversammlung der Diözese der Armenischen Kirche in Deutschland statt. Den Vorsitz führte der hochwürdige Diözesanbischof von Deutschland, S. E. Bischof Serovbé Isakhanyan; als Versammlungsleiter fungierte Prof. Dr. Hacik Gazer, als Schriftführerin Dr. Margarit Asoyan-Link.

Anwesend waren die Geistlichen der Diözese, die Vorsitzenden der Vorstände der 16 Gemeinden sowie gewählte Delegierte – insgesamt rund 55 Personen, davon 45 stimmberechtigt.

Gedenken und Gebet

Vor Beginn der Sitzungen erinnerte Bischof Serovbé die Anwesenden daran, dass der 27. September der fünfte Jahrestag des von Aserbaidschan gegen die Republik Arzach/Bergkarabach entfesselten 44-tägigen Krieges ist, und erhob ein Totengebet für den Frieden der Seelen der armenischen Märtyrer.

Zugleich betete er für den im vergangenen November verstorbenen früheren Diözesanbischof, den seligen Erzbischof Garegin Bekdjian, sowie für Frau Minu Nikbay, die langjährige Vorsitzende der Armenischen Gemeinde Köln.

Tagesordnung der zweitägigen Sitzungen

Auf der Tagesordnung standen:

  • der Tätigkeitsbericht der Diözese für 2024

  • der Finanzbericht 2024

  • verschiedene diözesane und gemeindliche Angelegenheiten

  • die Arbeit der diözesanen Arbeitsgruppen u. a.

Diözesane Angelegenheiten

Bischof Serovbé stellte mittels PowerPoint ausführlich den Tätigkeitsbericht 2024 vor.
Der Schatzmeister des Diözesanrates, Herr Artin Simonian, präsentierte ebenfalls per PowerPoint den detaillierten Finanzbericht 2024. Beide beantworteten im Anschluss die Fragen der Anwesenden.

Anschließend unterbreitete der Diözesanrat den Vorschlag, ab dem 1. Januar 2026 den Mindestbeitrag der diözesanen Mitgliedschaft zu erhöhen. Nach eingehender Diskussion wurde beschlossen:

Ab dem 1. Januar 2026 gelten für neu eintretende Mitglieder folgende Beiträge:

  • 15 Euro monatlich für Erwerbstätige

  • 8 Euro monatlich für Nichterwerbstätige

Ab diesem Zeitpunkt werden 25 % des jeweiligen Mitgliedsbeitrags an die für das betreffende Mitglied zuständige Gemeinde weitergeleitet.

Gemeindliche Angelegenheiten

Per PowerPoint wurden die Finanzberichte aller Gemeinden vorgestellt.

Die Geistlichen und Gemeindeverantwortlichen gaben jeweils kurze Berichte über die Aktivitäten ihrer Gemeinden im Jahr 2024.

Ebenso wurde über den Fortschritt der Renovierungsarbeiten an der Bischofskirche „St. Sahak – St. Mesrop“ in Köln sowie an der Kirche „Heiliges Kreuz“ in Göppingen berichtet.

Wahl der Delegierten zur Kirchlich-Nationalen Versammlung

Die Tagesordnung umfasste außerdem die Wahl von zwei Delegierten der Diözese Deutschland für die im kommenden Jahr in Etschmiadsin stattfindende Kirchlich-Nationale Versammlung. Diese werden gemeinsam mit dem Diözesanbischof die Diözese vertreten.

Aus sechs vorgeschlagenen Kandidaten wurden in geheimer Abstimmung gewählt:

  • Pfr. Dr. Diradur Sardaryan (Delegierter)

  • Prof. Dr. Khachik Kazérian (Delegierter)

  • Prof. Dr. Armenouhi Drost-Abgarjan (Ersatzdelegierte)

Bestätigung des Diözesanbischofs

Gemäß Kapitel 9 der Diözesansatzung erfolgt alle sieben Jahre die Bestätigung des Diözesanbischofs für die folgende Amtsperiode.

Da die siebenjährige Amtszeit von S. E. Bischof Serovbé Isakhanyan abgelaufen war, sah die Tagesordnung auch die Bestätigung seiner weiteren Amtsführung für die kommenden sieben Jahre vor.

In geheimer Abstimmung ergab sich folgendes Ergebnis:

  • 33 Stimmen dafür

  • 6 Stimmen dagegen

  • 2 Enthaltungen

Somit wurde S. E. Bischof Serovbé Isakhanyan für weitere sieben Jahre im Amt bestätigt. Das Wahlergebnis wurde zur Bestätigung an den Heiligen Stuhl von Etschmiadsin weitergeleitet.

Gottesdienst am Sonntag

Am Sonntagmorgen, dem 28. September 2025, versammelten sich Geistliche und Laien unter Leitung des Bischofs in der Kathedrale „St. Sahak – St. Mesrop“ in Köln. Dort wurde die erhebende Morgenliturgie (Arevakal) gefeiert.

Am Ende richtete Pfr. Dr. Diradur Sardaryan eine kurze geistliche Ansprache an die Anwesenden.

Arbeit der Arbeitsgruppen

Die Versammlung setzte anschließend ihre Arbeit fort.
Die beiden Sonntagssitzungen waren den diözesanen Arbeitsgruppen gewidmet:

  1. Glaube und Ökumene

  2. դիակոնիա

  3. Կրթություն

  4. Արվեստ և մշակույթ

  5. Verwaltung

  6. ֆինանսներ

Für jede Arbeitsgruppe wurde eine Geschäftsordnung vorgestellt und verabschiedet. Jede Gruppe besteht aus 3–4 Mitgliedern. Die Zusammensetzung wurde festgelegt, erste Diskussionen fanden statt und werden auch online fortgesetzt.

Die Ergebnisse sollen bis Ende Januar 2026 dem Diözesanrat zur weiteren Verfügung vorgelegt werden.

Die ordentliche Diözesan-Delegiertenversammlung 2025 wurde mit einem Schlusswort des Versammlungsleiters, Prof. Dr. Hacik Gazer, beendet. Er dankte allen Delegierten für ihre Teilnahme und Zusammenarbeit und wünschte den Arbeitsgruppen viel Erfolg.

Abschließend sprach der Diözesanbischof seinen Segen; mit dem Gebet „Bewahrer“ („Pahpanich“) fand die Versammlung ihren Abschluss.

Sekretariat der Diözesanleitung

Fotos: Edmond Haghnazarian & Kanzlei der Diözese